ايام ..

بعد شهرين تقريبا هتنتهي علاقتي بالكلية والمدينة .. والغربة والسفر .. ومش هصحي علي وشوش صحابي زي كل يوم .. ففكرت ان اكتب حاجة ليهم قبل ما نفارق .. 

 ( دومتي) مفيش مقياس للوقت او للكلام معاها .. شخصياتنا تقريبا شبه متطابقة علشان كدا كانت اكتر واحدة بتفهمني وممكن كانت تسألني مالك لو قولت كلمة الو بس .. اكتر حد هفتقده علي الأطلاق .. وتقريبا هفارق جزء من نفسي ...

( ندا ) ولا ف الواقع ولا ف الخيال كان ممكن يجي علي بالي اني ممكن اصاحب واحدة من المنوفية :D .. وقد كان .. رفيقة الغرفة اللي تقريبا الوحيدة اللي كانت بتقولي قومي ذاكري وسط الأشكال اللي ما يعلم بيها الا ربنا اللي انا كنت اعرفها .. هفتقد ارئها العبقرية ف الحياة وعن الناس .. وهفتقد تفسيرتها الرهيبة لأحداث الأفلام اللي كنا بنتفرج عليها .. ( سمية الخشاب عملت عملية تجميل دورت وشها ) .. طيبة جدا جدا بسهولة تقدر تعرف كدا من عنيها ..

( اوشي ) اللي معرفتي بيها مكملتش سنة واصغر مننا ( في سنة تانية :P عشان كدا كنا بنمرمطها )  من المنيا يعني صعايدة يعني الجدعنة كلها .. ولا هنسي الكاتل .. ولا الشاي .. ولا النيسكافية .. كافية متنقلة بسم الله ما شاء الله :D :D 

ومش ناسية رانيا وايمان وريهام وشيرين ونوسة وهدي :))

الأمام الشافعي .. مهد المقاومة :))

اول ما هيتذكر الأسم ده قدام حد هيجي علي باله علطول الأمام الشافعي امام المسلميين اللي اسس مذهب واتبعه كتير من العلماء والمسلميين بعده .. بس لو اتذكر الأسم ده قدامي هيجي ف باللي علطول مدرستي بتاعة ابتدائي .. اللي فاكرة كل يوم عدا عليا فيها بتفاصيله .. وفاكرة زمايلي اسم اسم وبالثلاثي .. اول مكان اتعلمت فيه اني ابقا ضد الظلم حتي لو اتعرضت لخطر .. لما كنت ف الأمام الشافعي كانت ايام الأنتفاضة الفلسطينية الأولي .. كنا بننزل الشارع ونسيب المدرسة .. بنقطع صور شارون ونرسم اعلام لأسرائيل ونحرقها .. ونرفع اعلام فلسطيين وكنا بنردد الهتافات اللي كنا بنسمعها في التليفزيون واحنا شايليين صورة محمد الدرة الطفل الشهيد .. كل ده كبرنا او كبر جيلي ده بالتحديد .. وهو ميعرفش يعني ايه كلمة مالنا بفلسطيين مثلا خلينا في حالنا .. اللي جيل الخمسينيات والسيتينيات عايز يفرضها علينا دلوقت بالعافية 

ومن ساعتها وانا حلم حياتي اللي لا يقارن بأي احلام تاني اني اروح المسجد الأقصي واستشهد هناك .. اخر حاجة عايزة اقولها .. سنصللي يوما في الأقصي ( ان شاء الله ) اللهم ارزقنا صلاةَ في محرابة .. وشهادةً علي أعتابه ...